السبت، 31 مايو 2008

ما تعملش راجل في البلد دي


في البلد دي ما تعملش فيها راجل
المهم اخبرني أحد أصدقائي انه كان جاى المدينة الجامعية قادم من البيت حوالي الساعة الثانية عشر منتصف الليل عندما رأى حادثة احدى السيدات انتهت من شرب عصير من معصرة ثم ترجع بالعربة بطريقة عشوائية سريعه لتصدم احد المارين ومن ثم ينزل الرجل ليتفحص سيارته ثم يذهب الى هذه السيدة يقول لها انا لا أقبل عوض لكن على الاقل اعتذار وما ان قال كلمته حتى وجد سيل من الشتائم ينهال عليه ...الرجل سوداني الجنسية لا يوجد من يدافع عنه..اتهمته المرأة بأنه اعتدى عليها وعاكسها اثناء سيرها بالسيارة ومن ثم صدمها واتصلت بزوجها الذى احضر محام ....رأى صاحبنا (الرجل)هذا المشهد وصمم على أن يشهد مع الرجل شهادة حق تنفعه يوم الدين .. حضرت الشرطه أخبر الضابط زميلنا هذا ان يدخل المدينة وان يهتم بدراسته افضل له الا ان (الرجل) صمم على الشهادة ..أخذوا أقواله كشاهد واصطحبوه الى القسم ليقوم بالامضاء على المحضر.. تأخر الأمر.. صاحبنا عليه امتحان فى اليوم التاني سأل الضابط أخبره أن الأمر الان تغير وأنه أصبح متهم بدلا من شاهد؟؟؟؟؟؟؟؟ اتهمته المرأه بأنه اعتدى عليها واحضر اصحابه من المدينة ومنعها من المرور!!!!!!!!!!! (الرجل):يعنى ايه؟؟ الضابط: مش عامل فيها راجل يبقى تبيت هنا وتتعرض على النيابه الصبح. (الراجل):والامتحاااااااااان؟؟ . الضابط : اجمد يا بطل .
(الراجل)اتصل بقريب له ضابط فى مباحث امن الدولة اخبرة بالموضوع
ضابط ا.د: ايه يا عم وانت مالك سيبك من شغل القومية اللى انت فيه ده ...اقوللك اعتذرلها واخلص . (الراجل): اعتذر ليه لا طبعا على جثتي . ضابط أ.د: طب ادينى الضابط..
(الراجل)كلم يا باشا . الضابط : مين ياعني؟؟ (الراجل): زميل . الضابط : شغال فين دا
(الراجل) :امن الدولة . الضابط : هات بسرعة ازيك يا باشا ..طب أعمل ايه المحضر اتقفل ..خلاص يا باشا ...عشان خاطرك هاحاول . بعد المكالمة اتغيرت المعاملة يا حبيبي يا دكتور والذي منه سبحاااااااان الله!!!!
بعديها وداه للمأمور المأمور اتفق معاه وقعد يشتم فيه كدة وكدة قدام الناس المرأة واللى معاها والست تقول حسبي الله ونعم الوكيل وتعيط وتقوله تشوفه في امك واخواتك و(الراجل)يعض في شفايفه المهم الموضوع خلص وطلعه على أن الشاهد لم يحضر؟؟؟؟؟؟!!!!!!
بدون تعليق

الأربعاء، 7 مايو 2008

صاحبنا وصاحبتهم وربنا يتولى الغلابة

صاحبنا يزود...احنا نفرح.......صاحبتنا تزود......احنا نغتم
صاحبنا يقول ....احنا نسقف.......صاحبتنا تقول ......احنا نعيط
صاحبنا يقول انتوا غلابة...... لازم تِهيصوا زى غيركم ....لازم علاوة
... دا انتو غلابة ............داأنا واحد منكم
احنا نهيص ......احنا نزقطط........ احنا نفرح...... معدناش هنتعب
دا احنا غلابة....وصاحبنا حبيبنا ....دا واحد منا ....دا حاسس بينا..... دا جوا عينينا
كان لازم نفرح ....................ولازم نصدق
تيجي صاحبتنا ....بسرعة بسرعة..... قبل مانفرح أكتر أكتر ........وتقول لينا
أنتوا غلابة ....طبعا طبعا...... طب منا عارفة كدة من بدرى..... بس يا حسرة أعمل اية
علاوة علاوة ......بس منين .....لازم لازم وما من بد..... لازم أعمل أي كلام..... بس عشان....
صاحبي ما يزعل .....او يكون كداب.....أسرق أنهب ......بس منين مهي مسروقة من زمان....
دا مافيش حل... لأ فى حل....... بس لقيته ..........لقيت الحل .....
هو فلوس الغلابة
الأسعار هتكون زيادة........ وهو دا حل....... أحسن حل.... هم يخدوا العلاوة.....
آخد أضعافها في الزيادة
أخد نصيبي ................وأديله نصيبه ......................وهو أنا أفرح ..................وصاحبهم يفرح
وربنا يتولى الغلابه